شخصيه قويه وصارمه ..!!

مســـــاكم ورررد

“ شخصيه قويه وصارمه “

اكتشـــــــاف دكتوره سنـــاء في ماده (ACCT 202 )

بعد نقــــــاش حــــــاد معــــاها “ سوووووت لي اللي أبيـــــــه “ : )

“ لما يكون الشخص معـــــاه حق بكل كلمه يقولهـــــا “ يتكلم بكـــل احترااااام ، أدب و ثقـــه “ تكون حججه واضحه “

يقدر يسوي الي يبيه بأي مكــــان و أي زمـــان

( لما تحترم غيرك معناه انك تحترم نفسك بالأول )

: )

” هل هالصفه فيني ولا لا  ؟ “

smsm

تشبه لي !؟

صباح اليــــوم

في النقــــل

رايحين للجــــامعه << يعني وين

وحده من بنات mis  ” حبي لتس يا … “  ،، جابت دفاتر تبيها لـ  SOSO بس نالنا منها شوووووووي بعد ماصجينا راس السواق على هالصبح و اااااانا ابي هذا لااااااا انا هذا خخخخخخخخ << جالسين في حراااااااااج ..

طلع لي ذا الدفتـــــر

سألتهم تشبه لي ؟

الجواب : ايه  !!

((( هو صدز تشبه لي ولا لا ؟ )))

– - – - –

جــــــوري خلت دفترها للذكرى وكل وحده مننا تكتب في صفحه ..

كتبت SOSO و سحبت منها الدفتر اشوووووف وش كتبت لما قريت وخلصت بعدييين كتبت ..

خذته (….) وكتبت وانا و SOSO نسسسسسسحب منها الدفتر << من الشفايه يشوفون وش كتبت..

جــــــــوري : هاتووووووووووه دفتتتتتتتتتتري خصوصيااااااااااااات ذي..

أنا و SOSO : هههههههههههههههههه اصبري لحظه وووووووخري << اشكالهم توووووووحفه متجمعين على دفتر ..

وووووحده من البنات صارت تجي الصبح مع اهلها “ سبحان الله كل وحده لها مكانها في النقل يعني نفقدهـــــــم كثير “

تقول :

اشتتتتتتتتتقت ل صجتكم الصبح .. << كانت تجلس ساكته و تسمع وتضحك ماتتكلم << من النوعيه الي ماتتكلم الصبح ابـــــــد ..

(( وش رايكم تعبـــــــر سبه ولا لا ))  ههههههههههههههه

سي يـــو

smsm

رئيسه قسم الانجليزي : )

رئيسه قســــــم الانجليزي

جينيفر : )

” جيني “

جنسيتها : بريطانيه ..

” غير مسلمه “

تتكلم العربيه بالاضافه لـ لغتها (الانجليزيه )

شخصيه تميل للجد بكل وقت مع ابتسامه

صار لي معاها مواقف كثيـــــــــره

لما تشرح في الكلاس تحسون انكم تتابعــــون ” فلم “

شدني طريقه شرحهــــا وأعجبتني كثيــــــــــر

تشوفونها تقولون وش ذي العجوز المخرفه << قبل مااعرفكم عليها ..

بس في الواقع هي أنشط من الشباب “ ماشاء الله “

” احنا عندها عجوزات ” خخخخخخخخ

تحب الي يهتم في دراسته ..

لما أي طالبه تتكلم معـاها بموضوع مـا ، تنتبه لكل كلمه تقولها الطالبه حتى حروف الجر ومخارج الحروووف واذا شافت أي غلط تصححه بووووقته ..

احيــان اجيها اسألها طبعا قبل اخلص كورسات الانجليزي اتكلم معاها انجليزي تتكلم معاي عربي  : ( أغيـــــر الموجه واتكلم معاها عربي : ) ،، تهاوش تقول تكلمي انجليزي خخخخخخخخ

في أي مكان تمشي ، تشوفونها مفحـــــــــطه و تسلم على هاذي وهذيك : ) واهم شي ابتسامتها الي ماعمري شفتها مالها خلق احد : )

شخصيه تعجبني كثيــــــــر

حبيت يكون لها جانب فـ مدونتي ..

smsm

وش إحساسك !؟

أنا مدري وش إحساسك
ومدري وش تظنيني
أنا الصادق في عينك كنت
و صرت الكاذب الخوّان
أنا أخطيت ما انكر ولافيه عذر يكفيني
سِـوا اني احبك حيل واني دايما ً انسان
انا ادري بمدى جرحك
وادري الحظ جافيني
يطول الوقت ما أخطي
وإذا أخطيت كل شي ٍ بان
انا شفت الزهر مايل
وظنيته يناديني
قطفته .. يوم ضميته .. لقيته للأسف ذابل
عرفت انك زهر عمري
عرفت انك بساتيني
وغيرك قيض مايروى .. سرابٍ يشقي العطشان
انا لو ماحصل ماكان وشهو اللى يدرّيني
بأنك ماسواك انتى .. سكنتى القلب والوجدان
انا اسف على اعذاري
عجزت ألقى عذر فيني
يليق بغلطتي في حقك ويرجع كل شي ٍ كان
احبك كثر أخطائي
وادري انك تحبيني
وادري لو تفارقنا فلا نقدر على النسيان
اذا تقوي على فراقي وبعدي عنك .. خليني
انا مليت من دور الكرامة
لعبت الغفران
قليل العمر ياللي انتي دموعك ما تساويني
حرام انه يضيع فراق
هي من قلها الأحزان ؟؟

للشــاعر الأمير / عبد الرحمن بن مســاعد

” ممــــــا أعجبني “

تغريبه ..

ضحكتي غابت وهدّتني .. وبانت شيبتي

والطفولة ودّعتني وأبتديت أفقدها

مابقى لي رغبة الا رغبتي في غيبتي

بشّروا عني قلوبٍ غيبتي تسعدها

هاجسي,طيشي,شبابي,حلم عمري,ريبتي

كنتي أكثر شي يبهج روحي ويسندها

وين أشوفك بعد ماحلّت علي تغريبتي

وأجبرتني أترك ايدينك .. ومذّت يدها

عاد أنا سمّي , وداي , وعلتي , ومصيبتي ..

لاكبرت بدون مدري بالزمن .. والأدهى ..

لادريت إني كبرت .. وصارت أكثر هيبتي

وصرت طفلٍ شوفة الأطفال لي .. تبعدها

ماأحس إني صغير الا إذا (حبيبتي) ..

أرفعت لله يديها .. جعلني ماأفقدها

أمي اللي لو تحس شوي طالت غيبتي ..

تنتظرني .. لين أجيها ثم أقبّل يدها

جنّتي أنها تشوف أني طفل .. ومصيبتي ..

حزني اللي في عيوني لابغيت أسعدها

للشــــاعر / فهـــد المســــاعد

 

أنــا بخيــر

باكر تزين ويرجع لغصنـه الطـير

وترجع لوجهي ضحكته وأبتسم لك ..

أنــا بخيــر .. وقلبي الليله بخير

مادامك أنت بخير .. يا أعز ما أملك

فــهــد المســاعد

يلا نلوّنهـــــا

CoŁoя yoϋ‘я Łĭƒέ

” لوّن حيــــــــاتك “

ممكن نسوي حاجات كثيــــره تلوّن حيـــــــاتنا

تغييــر بعض الأشيــــاء فينــا

ممكن تكون بسيـــــطه لكنها تأثر علينـا كثيــــــــــــــر

( نقدر نخلي حيــاتنا كلهـــا سعاده بإذن الله )

،،

مجـــــرد

،،

* كلام بسيط يغثنا ويكدرنا

♠

* موقف بسيط يخلينا نعصب و نأخذ موقف تجاه الشخص

♠

* حركه غبيه وتافهه سواء مقصوده أو لا ،تثير أعصابنا،

♠

* التفكير بكل تصرف سواه الغيـر

♠

* اختبار ماحليناه زين تسكرت الدنيا بوجهنـا

♠

* يوم ماصفى لنـا نعتبر ان كل أيامنا تكون كذا

♠

* رسبنا بماده او مادتين او كل المواد ،نطلع من الدراسه كلها،

،،

يعني نعطي الأمور أكبـــــــــر من حجمهــــــا

أو بحجمها الصحيح

،،

نقــــدر على حيــــاتنا بقدرتنــــا على أنفسنــــا

♣

نلوّنهــــــــــا

♣

نحلّيهـــــــــــا

♣

نهتم بأنفسنـــــا و بمستقبلنــــا

♣

نفكر بنجاحنــا و طرق النجاح كيف تكون

♣

نتفــــائـل

♣

ننظره للحياه بمنظر حلو

♣

ولا يكدرك أي شي

♣

الي مايقدرك لا تقدره

♣

الي مايهتم لك لاتهتم له

♣

الي يتكلم فيك احتسب الاجر

♣

الي يكرهك بكرا يعرفك

♣

الي مايحبك مو لازم انت تحبه

♣

الي مايفكر فيك لا تفكر فيه

♣

الي يحاول يغثك بتصرفه سووو كأنك ماشفت التصرف

♣

الله الله بالطنــــــــــاش وبرود الأعصاب

♣

ماحليت الاختبار زين ” الله يعوضك بالي احسن منه ” ” قدر الله وماشاء فعل “

♣

رسبت بماده، مادتين ، كل المواد ” الله كاتب لك كذا وكل تأخيره فيها خيـره “

♣

اليوم ترسب فيها بكرا تأخذ فيها ممتاز مرتفع

♣

مانعطي الامور اكبر من حجمها ماحد راح يتأثر الا انت

♥

Be Smiley

Be confident yourself

Be optimistic

Be ambitious

Be Positive

<<

Will succeed

♥

حملـــــه (( يلا نلوّنهـــــا ))

فكره وتنفيذ :

ŝмŝм

♠

دي دووب جـامعتنا : )

مســائكم روقان : )

أحلام وناسه وهبال بدت تتحقق ..

( عقبال ماتتحقق كل أحلامنا يا رب )

في يوم من الأيام مرت سالفه دجوجيه “ تخيلوا العيال يدرسون مع البنات يعني تصير الجامعه مختلطه “

طبعا انواااااااااااع الطلعات و الافكار والهبااااااال

وتحقق حلم الدجه على يد ملك الإنسانيه في

( جامعه الملك عبد الله للعلوم والتقنيه )

وفي يوم من الأيام بعد مرت سالفه انه زحمه ع الكفتيريا لو على مويه نوقف ساااااعه وبهالسالفه قلتلهم لييييييييييييت فيه دييييييي دوب << بلهجه الطفوله ..

معناااااها آله للمشروبات الي نضغط على المشروب وينزل لنا بس بصوووووووت << كانت تسمي الآله على الصوت الي يطلع من الآله ” ديييييي دوب “

وبعد 10 شهور تقريبا تحقق الحلم  : )

وفي يوم الاثنين 7 / 10 / 1430 هـ

مرني النقل كالعـاده وصلنا الجامعه الا شفت حااااااااجه غرييييييبه

صار النداء ذا

“ بنااااااااااااااااااااااااااااااااااات دي دوووووووووووووووووب “

جلسنا بطاوله قريبه لهــا واطالع فيها احس فيني شي يجذبني لها مااقدر اصبر ..

نزلت عبايتي والكتب والشنطه وماخذيت الا الريالات بس : ) << متفرغه للآآآآآآله

- – -

* ملاحظه : قبل اجي للجامعه أمي عطتني ريالات واااااااااااااااااااجد اذا مالقيتي صرف الا معاك هذولي : )

<< كنهــــا حــــاسه

- – -

و مشينا انا و Queen للآآآآله

أنــا : بجرب بمويه << أوووووول وحده تستخدمها في الجامعه : )

” دخلت الريال “

درررررررررررررررررررردوب

<< نزلت المويه صراااااااااخ وفللللللللللللله

أنا : يلا يلا بنات وش تبون .؟؟

“ كبتشينو ساده – كبتشينو كراميل – شوكولاته ساخنه ……. الخ “

ونفل امها على ذي الآآآآله خخخخخخخخخ

واحنا جالسيـــن نتقهوى نشوووف البنات يمروووون من عندنـــا يوقفووون يطالعون بالآآآآله ويروحون << مايعرفون الريال من وين يدخل

طبعـــــــــــا

مسكنـــــــاهم ضحــــــــــــــــك

ههههههههههههههههههههههههههههههههه

كل بنت على ذي الحــــــــاله

مروا المشرفات وقفوا عندها ويحاولون يستكشفووووون واحنـــــــا نضحك ونضحك ونضحك ماقدرنا نسكت

<< معاهم وحده من المشرفات اكرهها ” تذكرون سالفتها في قديم الزمــــــــــــان “

من بعدهـــــا ووأنا كل يوم لاااااااازم اخذ ريالاااااااااااااات عشان الدي دوووب

حتى أمي ترفع الريالات لــ “smsm “ 

اشووووووفكم بسالفيــــــه ثانييـــــــه

[ أنا ضـــايق ]

 

أوووم الحــاله

أكره شي بالحيــــــــاه

لما يعرف الشخص انه وراه جامعه بكرا

وعنده 5 محاضرات ورا بعض مع بريك ساعه بس

والسواق صاير مايجي على الوقت “ يقدم في الصباح ويأخر بالظهر “

وعنده كويز mis 301  من صباحيه ربنــــا

ويحـــــــــاول الشخص انه ينـــــــام

بس للأسف

مـــــــاقدر انه ينـــــــام

” وصف لحــــــاله smsm “